fjárlög 2024.
Forseti. Já, það er alveg hárrétt, tölurnar segja þetta nákvæmlega: Á kjörtímabilinu 2013–2016 tók ríkið inn meiri tekjur miðað við landsframleiðslu en ríkisstjórnin gerir núna. Þar liggur í rauninni munurinn á hallanum þegar allt kemur til alls. Ef ríkið tæki inn meiri tekjur þá væri ríkið ekki í mínus því að útgjöldin eru mjög svipuð, rétt rúmlega 30% af vergri landsframleiðslu, bæði á kjörtímabilinu 2013–2016 og á þessu kjörtímabili, fyrir utan náttúrlega Covid-ruglið sem við höfum farið í gegnum. Það eiga t.d. að vera 30,8% útgjöld á þessu ári og þau voru árið 2014 30,8%, alveg nákvæmlega eins. Þannig að við erum með sömu útgjöld sem hlutfall af vergri landsframleiðslu í dag og 2014 en við erum með mun minni tekjur. Merkilegt.